Punëkryesi shkel kontratën prej 230 mijë eurosh gjatë rinovimit të Muzeut të Kosovës

2 Shtator 2016 - 09:26      

Prishtinë, 2 shtator - Materiali më i dobët sesa ai i kontraktuar, mosndërhyrja në disa pjesë që specifikohen në kontratë, dhe depërtimi i ujit nëpërmjet dritareve edhe pas rinovimit, janë disa nga mangësitë që janë identifikuar pas punimeve në rinovimin e Muzeut të Kosovës.

Konsorciumi punëkryes nuk e ka bërë punën e vet siç duhej. Ministria e Kulturës nuk e ka bërë pranimin teknik të punëve në rinovimin e këtij objekti. Është konstatuar se punëkryesi nuk e ka respektuar kontratën në vlerë prej 230 mijë eurosh, shkruan sot “Koha Ditore”.

Në një raport të hartuar nga Komisioni për pranimin teknik të punëve që e posedon gazeta, ceken vërejtjet dhe arsyeja e mospranimit të punëve. Konsorciumit punëkryes “NBT-ING” & “As- ING” nga Suhareka i janë dhënë 14 ditë afat për të përmirësuar punimet... (gjerësisht, sot në “Kohën Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.