Protestuan aktorët e Teatrit të Gjilanit, përmendin tri arsye [video]

31 Gusht 2016 - 19:48      

Ndonëse janë ankuar shpeshherë për kushte aspak të mira në teatër, një grup i aktorëve të Teatrit të Gjilanit kanë protestuar të mërkurën në këtë qytet. Aktorët u ankuan që nuk po i marrin pagat me rregull, që nuk po zgjidhet statusi i teatrit si dhe kundërshtuan anulimin e konkursit për drejtor.

Një ditë më parë, aktorja Adriana Matoshi, e cila është anëtare e Këshillit Drejtues të Teatrit, ka akuzuar kryetarin e Këshillit Drejtues, Sabedin Shahiqi, se pa leje të trupit drejtues ka anuluar konkursin për drejtor, për shkak se pikët maksimale i ka fituar Erson Zymberi e jo Bashkim Nexhipi.

Erson Zymberi, i cili u votua maksimalisht për pozitën e drejtorit të Teatrit në Gjilan, ka thënë se nuk do t’i nënshtrohet konkursit sërish. Ndërsa kandidati tjetër, që ishte i dyti me radhë, Bashkim Nexhipi, protestën e ka cilësuar si protestë familjare.

© KOHA. Të gjitha të drejtat janë të rezervuara.