Anulimi i konkursit për drejtor të Teatrit të Gjilanit cilësohet vendim politik

30 Gusht 2016 - 09:20      

Erson Zymberi ka arritur të mbledhë 92 pikë në testin me shkrim për pozitën e drejtorit të Teatrit të Gjilanit. Tri pikë më pak ka siguruar kandidati Bashkim Nexhipi. Menjëherë pas tij radhitet Alban Shahiqi me 83 pikë, përderisa Emine Toska ka siguruar 68 sosh.

Sipas një njoftimi që e posedon gazeta, kandidatët ishin ftuar në intervistë në ditën e 12-të të këtij muaji, shkruan sot “Koha Ditore”. Por të hënën është marrë vesh se vlerësimet e deritashme kanë rënë në ujë, pasi që Komuna e Gjilanit ka vendosur ta anulojë konkursin për drejtor të institucionit teatror të këtij qyteti.

Një vendim i tillë është marrë pas propozimit të kryetarit të Këshillit Drejtues të Teatrit, Sabedin Shahiqi. Menjëherë pas këtij vendimi regjisori Erson Zymberi ka reaguar, duke thënë se ndërhyrja politike e ka kthyer procesin në pikën zero.

Sipas tij kundërkandidati Bashkim Nexhipi është i preferuari i politikës, përkatësisht i kryetarit të Komunës, Lutfi Haziri. Nexhipi bashkë me kryetarin e Këshillit Drejtues, Sabedin Shahiqi, e mohojnë këtë megjithëse që të dy aktualisht mbajnë pozitat në të cilat i ka emëruar kryetari i Komunës së Gjilanit, Lutfi Haziri... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.