Buxheti për Muzeun e Artit Bashkëkohor tkurret edhe për 50 mijë euro

25 Gusht 2016 - 08:45      

Ministrisë së Kulturës, Rinisë e Sportit nuk i ka mjaftuar tkurrja e buxhetit që kishte bërë në qershor të këtij viti për Muzeun e Artit Bashkëkohor, projekt ky i iniciuar qysh para dhjetë vjetësh, shkruan sot Koha Ditore.

Me rishikimin e buxhetit nga 300 mijë euro sa ishin paraparë për këtë vit, për këtë projekt kishin mbetur vetëm 87 mijë euro. Por të mërkurën MKRS-ja ka bërë gati kërkesën për Ministrinë e Financave që nga ky projekt të hiqen edhe 50 mijë euro të tjera, të cilat do të transferohen tek kategoria buxhetore mallra dhe shërbime. Kjo i bie se për objektin e shumëkërkuar nga komuniteti artistik të mbesin në dispozicion vetëm 37 mijë euro.

Nga kategoria mallra dhe shërbime paguhen edhe punonjës me marrëveshje të veçanta, të cilët janë shtuar në numër pasi në krye të Ministrisë së Kulturës kishte ardhur Kujtim Shala, në dhjetor të vitit 2014. (Më gjerësisht lexoni sot në Koha Ditore). 

© KOHA. Të gjitha të drejtat janë të rezervuara.