23 Gusht 2016 - 16:55
Objekti trekatësh, i pajisur me rreth 400 mijë ekzemplarë në hapësirën prej 30 arësh në lagjen “Dardania”, sot hapi dyert për lexuesit e librit.
Këtij numri të librave do t’i shtohen edhe botimet e Grupit KOHA, e cila do të jap një donacion me të gjitha botimet për bibliotekën e qytetit, raporton Koha.net.
Në ceremoninë e përurimit të këtij objekti ishte i pranishëm kryetari i Komunës së Prishtinës, Shpend Ahmeti, drejtori i bibliotekës Munish Hyseni dhe drejtori i ri i Drejtorisë së Kulturës në komunë, Besart Vllahinja.
Me këtë rast, Ahmeti u ka bërë thirrje edhe shtëpive të tjera botuese që t’i bashkohen iniciativës së Grupit KOHA dhe të dhurojnë librat e tyre për bibliotekën. Ahemti shfrytëzoi rastin të tregoj për arsyet e vonesës së funksionalizimit të këtij objekti.
“Në kohën kur e kemi marrë mandatin, ky objekt ka qenë pothuajse i përfunduar. Nuk e ka nisur kjo administratë këtë bibliotekë, duhet ta themi që është nisur nga administrata e kaluar. Është vendosur si projekt, është realizuar si projekt, mirëpo arsyeja e vonesës së funksionalizimit të këtij objekti kanë qenë problemet me punëkryesin”, ka thënë Ahmeti.
Objekti ishte paraparë që të funksionalizohej vitin e kaluar, por bartja e librave në këtë objekt ishte penguar për shkak të mungesës së inventarit. Asokohe, sipas përgjigjeve të zyrtarëve komunalë, objekti kishte telashe me kulmin që pikonte gjatë reshjeve dhe me mosinstalimin e ngrohjes.
Këto ishin arsyetimet për mosbartjen e stafit në objekt të ri.
I iniciuar në kohën kur Komuna e Prishtinës qeverisej nga Isa Mustafa, objekti i ri i bibliotekës së kryeqytetit ishte llogaritur të finalizohej me 2.5 milionë euro. Ndërsa për ta funksionalizuar objektin, që me vite të tëra ka mbetur bosh, Komuna e Prishtinës është dashur tani të paguaj edhe 25 mijë euro.
© KOHA. Të gjitha të drejtat janë të rezervuara.
17 Shkurt 2017 - 00:15
16 Shkurt 2017 - 23:49
16 Shkurt 2017 - 23:41
16 Shkurt 2017 - 23:18
16 Shkurt 2017 - 23:17
Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.
Ec me kohën...
