Producenti i dokumentarit që fakteve u jep dimension fiktiv

21 Gusht 2016 - 11:21      

Filozofi Slavoj Zhizhek jep një shpjegim interesant rreth teorive konspirative. Ai thotë se “teoritë konspirative janë ideologji për njerëz të thjeshtë dhe budallenj.

Kur ka një situatë komplekse dhe nuk mund të kuptohet, teoria konspirative jep një përgjigje më të thjeshtë”, shkruan sot “Koha Ditore”. Kjo thënie duket se i ka hyrë në punë filmbërësit slloven Ziga Virc.

Dokumentari i tij fiktiv “Houston, We Have a Problem” ka për qëllim që të bazohet në një pikë kritike të vështrimit jo vetëm në teoritë konspirative, por më shumë në atë se çfarë pranohet si e vërtetë në përgjithësi.

Fiksioni dhe realiteti mishërohen me njëra-tjetrën në këtë triler politik, që fton audiencën të gjykojë vetë se çka është e vërtetë e çka jo. Struktura bazike e filmit shtrihet në ngjarje të vërteta historike duke u përcjellë me incizime arkivore dhe duke i mbushur zbrazëtitë me fiksion.

Plani sekret i ish-Jugosllavisë në krye me Josip Broz Tition, për zhvillimin e planit për pushtim të hapësirës, është shtylla e dokumentarit... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.