“Genius”, seria që eksploron jetën e Einsteinit

17 Gusht 2016 - 09:59      

Londër, 17 gusht - Aktori fitues i çmimit “Oscar”, Geoffrey Rush, do të portretizojë Albert Einsteinin në një dramë dhjetëepisodëshe në “National Geographic”, që do të bazohet në biografinë e shkencëtarit të famshëm, bën të ditur BBC.

Seria do të eksplorojë se përse nëpunësi në zyrën e patentave, Einstein, nuk mundi të siguronte vend pune në mësimdhënie apo doktoraturë në rininë e tij të hershme dhe sidoqoftë ia doli të zhvillojë teorinë e relativitetit. Shkencëtari në moshë të re do të portretizohet nga Johnny Flynn, ka njoftuar “HollyWood Reporter”.

“Genius” do të jetë seria e parë e realizuar nga “National Geographic” me skenar. “Variety” në muajin prill kishte raportuar se Ron HoWard ka gjasë se do të bëjë regjinë e episodit të parë të kësaj drame, e që do të bazohet në librin e Walter Isaacson. “Einsten: His Life and Unievrse” (Einstein: Jeta dhe universi i tij). Secili episod do të merret me lidhjet komplekse personale të Einsteinit sikurse edhe me arritjet e tij shkencore. Seria pritet të shfaqet në 171 shtete dhe në 45 gjuhë )më shumë, sot në “Kohën Ditore”).

© KOHA. Të gjitha të drejtat janë të rezervuara.