Vëllezërit Dardenne paralajmërojnë filmin për terrorizmin

12 Gusht 2016 - 08:40      

Lima, 12 gusht - Vëllezërit e njohur belgë, regjisorët Jean-Pierre dhe Luc Dardenne janë duke zhvilluar një dramë që flet për rritjen e terrorizmit në Evropë, transmeton sot “Koha Ditore” shkrimin e variety.com.

“Jemi duke e shkruar skenarin dhe shpresojmë ta xhirojmë filmin në Belgjikë në vjeshtën e vitit të ardhshëm”, ka thënë Luc Dardenne, të cilin është duke e nderuar festivali “Lima Film Festival” në edicionin e njëzet. Projekti ende i patitulluar përputhet me dëshirën e dyshes për të shtjelluar rrëfime për klasën punëtore dhe grupet e margjinalizuara të shoqërisë.

Si pjesë e nderimeve që po u bën punës së tyre, festivali i Limas është duke shfaqur një përzgjedhje të filmave më ikonikë të vëllezërve, duke përfshirë edhe filmat fitues të “Palmës së Artë” të Cannes, siç janë “Rosetta” dhe “L’Enfant”, sikurse edhe “La Promesse” dhe fituesin e vitit 2011 të çmimit “Grand Prix” në festivalin e Cannes, “The Kid with a Bike” (më shumë, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni. 

© KOHA. Të gjitha të drejtat janë të rezervuara.