“HardhFest” drejt ndërkombëtarizimit

10 Gusht 2016 - 12:35      

Me sloganin “Për kokërr t’qefit”, festivali i vjeljes së rrushit “HardhFest” këtë vit do të sjellë shumë risi, ku siç është thënë edhe më herët, ky edicion do të vijë më i fuqishëm se asnjëherë më parë.

Tri nga aktivitetet më të reja të cila iu bashkëngjitën festivalit për sivjet janë Promo skenat në qytet, Maratona e pijes dhe Karnavali i qytetit.

Gjithashtu, këtë vit, përveç artistëve vendor, pjesëmarrës do të jenë edhe artistë ndërkombëtar.

Një nga DJ më të famshëm zviceran, si dhe shumë i njohur dhe i dashur për fansat e muzikës elektronike ‘house’, Alex Belluscio, do të performojë në skenën e Konakut, aty ku edhe do të mbahet koncerti për 2 net rresht.

Deri më tash është konfirmuar edhe grupi Elita 5, kurse në ditët në vijim do të publikohet i gjithë lineup i koncertit.

Tashmë Këshilli Organizativ i festivalit është duke punuar intensivisht për finalizimin e aktivitetet.

“Hardhfest” do të mbahet me 2,3 dhe 4 shtator. Edhe këtë vit festivali mbështetet nga Ministrisë së Bujqësisë, Pylltarisë dhe Zhvillimit Rural dhe Komuna e Rahovecit, ndërsa, Partner i festivalit këtë vit do të jetë StoneCastle, kompani që feston 10 vjetorin e themelimit. 

comments powered by Disqus

038 249 105     [email protected]    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...