Kulla e Sahatit që dëgjohej 12 kilometra larg

7 Gusht 2016 - 10:39      

Avdullah Kërçagu e mban mend ndryshe Kullën e Sahatit në Rahovec. Më shumë sesa për ta matur kohën, në fëmijëri, për të dhe bashkëmoshatarët e tij ajo ishte hapësirë loje. Shtëpia e tij e vjetër ka qenë fare pranë këtij monumenti, në lagjen e vjetër “Gradina”, siç njihet nga vendasit - të këtij qyteti në jugperëndim të Kosovës.

“Ende e kam në vesh tingullin e kambanës kur binte. Kishte shumë vizitorë që vinin për ta parë nga mbarë bota, dhe ne si fëmijë vraponim për t’u njoftuar me ta”, kujton Kërçagu tash 56-vjeçar, shkruan sot Koha Ditore.

E Kulla e Sahatit, e bërë me gurë, është aty për më shumë se dy shekuj. Është ndërtuar në vitin 1791. Orën e ka treguar edhe me kambana, që thuhet të jenë dëgjuar shumë larg nga aty, madje deri në 12 kilometra.

Monumenti në pikë strategjike

Shumë studiues janë marrë me monumentin e shekullit XVIII. Kosova nuk ka shumë të tillë, e ai i Rahovecit është unik edhe për faktin se e ruan origjinalitetin e vet. Historikun e Kullës së Sahatit e grumbulloi edhe Kadri Durguti, orientalist, e përgjegjës për trashëgiminë kulturore në qytetin e lashtë... (më gjerësisht lexoni sot në “E diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.