Kukullat flasin për fate njerëzish

6 Gusht 2016 - 14:45      

Dy skajet e skenës ndriçohen. Në anën e majtë, regjisorja vjeneze Julia Reichert merr fjalën për të përshëndetur, përmes së cilës ironizon me “publikun masiv”.

Në të djathtë është muzikanti Behar Arllati, i cili fill pas fjalëve të saj me harmonikë interpreton melodinë e këngës së njohur shqipe “Po t’jemi bashkë ne të dy”.

Kësisoj, në një mënyrë jo fort të zakonshme nis shfaqja për të cilën ekipi i teatrit “Kabinettheatre” ka udhëtuar nga Austria, shkruan sot Koha Ditore.

I themeluar qysh më 1989, teatri njihet për repertorin me mbi 40 minidrama, shumica prej të cilave janë shkruar enkas për këtë trupë nga autorë të njohur austriakë e gjermanë. L

oja nis kur ndriçohet skenografia e ngritur në teatrin e të rinjve e kukullave “Dodona”. Tetë minidrama janë përzgjedhur për t’u interpretuar para një audience që të premten mbrëma qe e paktë në numër. (Artikullin e plotë mund ta lexoni në numrin e sotëm të Kohës Ditore)

© KOHA. Të gjitha të drejtat janë të rezervuara.