Hartimi i një ligji të ri për kinematografinë nis nga e para

5 Gusht 2016 - 11:30      

Hartimi i një ligji të ri për kinematografinë, tash e katër vjet, ka dalë të jetë punë e zorshme për Ministrinë e Kulturës.

Me gjithë emërimin e dy komisioneve – një nga ish- ministri i Kulturës Memli Krasniqi, e një tjetër nga ministri aktual Kujtim Shala – serisë së përplasjeve e reagimeve midis komunitetit të kineastëve e angazhimit të ekspertëve ndërkombëtarë, puna s’është finalizuar me sukses, shkruan Koha Ditore.

Do të emërohet një grup i tretë punues, pasi që procesi është kthyer edhe një hap më mbrapa të enjten, kur ministri Shala e tërhoqi Projektligjin për kinematografinë nga Kuvendi i Kosovës. Një ditë më parë, një grup kineastësh publikisht kërkoi nga Shala të mos lejojë leximin e dytë të Projektligjit që do të duhej ta zëvendësonte ligjin aktual për kinematografinë, i miratuar më 2004.

Ministri i Kulturës, Kujtim Shala, i ka thënë gazetës se puna do të nisë nga fillimi.

“Duhet të përsëritet procedura. Do të thotë, duhet të emërohet një grup i ri punues dhe të ndiqet procedura si në rastin e hartimit të një projektligji të ri”, ka thënë Shala... (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.