Muzeu i Artit Amerikan në Prishtinë tash një muaj pa energji elektrike

3 Gusht 2016 - 11:31      

Prishtinë, 3 gusht - Shtëpia e gurit në kompleksin “Emin Gjiku”- e shfrytëzuar nga qendra për art bashkëkohor “Stacion” qysh prej vitit 2006 dhe së fundi e shndërruar në Muze të Artit Amerikan në Prishtinë - tash më shumë se një muaj ka mbetur në terr, shkruan sot Koha Ditore.

Fatura e borxhit prej afro 230 eurosh është bërë shkak që ky objekt të mos ketë energji elektrike qysh prej 22 qershorit. Drejtuesi i këtij institucioni, Albert Heta, i cili në korrik pa lejen e shtetit hapi Muzeun e Artit Amerikan në Prishtinë në objektin e mbrojtur me ligj, u është drejtuar me shkresë elektronike zyrtarëve të Ministrisë së Kulturës, por deri më tani ka thënë se nuk ka marrë përgjigje.

Ai refuzon të kontaktojë me drejtorin e Muzeut të Kosovës, që menaxhon edhe kompleksin “Emin Gjiku” dhe insiston se bllokimi me borxhin ndaj Kompanisë për Distribuim dhe Furnizim me Energji Elektrike - është i qëllimshëm (gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.