Çmimi “TEUTA” i Muzës së Alpeve 2016, Mirash Martinoviqit

1 Gusht 2016 - 12:31      

Manifestimi i IV-të letrar ndërkufitar “Muzat e Alpeve 2016”, organizuar nga Shoqatat Rajonale e Shkrimtareve “Teuta”, i cili sivjet filloi në fshatin Vuthaj të Plavë-Gucisë, u përmbyll në Junik, ku u nda edhe Çmimi për Vepër Jetësore TEUTA, shkrimtarit malazez Mirash Martinoviq. Lauerat paraprak të këtij çmimi janë Jevrem Berkoviq, Dritëro Agolli dhe Ramiz Kelmendi.

Rikthim pas në kohë në një ambient trashëgimor me relikte qindjvecare si dhe ushqime tradicianale shqiptare në Kullën e Ramë Zyberit ishte ambienti, të cilin komuna e Junikut e kishte zgjedhur për të mirëpritur shkrimtarët nga Kosova, Mali i Zi dhe Shqipëria në ditën përmbyllëse të manifestimit “Muzat e Alpeve 2016”, bvën të ditur Kult Plus. Në Junikun e historisë, të odave, të pleqërimit dhe të vendimeve të mëdha të historisë kombtare shqiptare, shkrimtarët e tri shteteve i priti kryetari i Komunës Agron Kuçi, i cili me këtë rast tha se është ndjenjë e mirë që në kuadër të Ditëve të Diasporës edhe në Komunën e vogël të Junikut, të mbahen aktivitete me shkrimtare të mëdhenj. “Ndaj, neve s’na mbetet tjetër veçse t’i bashkëngjitemi këtij karvani i cili shpresoj se do të vazhdojë tutje dhe do te zgjerohet. Sepse, Juniku ka një trashëgimi të pasur kulturore, natyrore dhe historike e po ashtu, letërsisë shqipe ia kemi dhënë dy shkrimtarë të mirënjohur, Din Mehmetin-Bacalokun dhe Ali Demë Jasiqin. Ndaj, kjo krijon një ndjenjë të veçantë se sa iu përket vlerave të mirëfillta letrare, as Juniku nuk mbetet pas”, ka thënë ai.

Manifestimi i IV Letrar Ndërkufitar organizohet nga Shoqata Rajonale e Shkrimtarëve “TEUTA”, e themeluar nga shkrimtarë nga Kosova, Mali I Zi dhe Shqipëria, për hisorikun e së cilës foli njëra nder themelueset poetja dhe gazetarja Ajetë Beqiraj.

“Poslendji Eskilog dan”i shkrimtarit të shquar malazez Mirash Martinovic i përkthyer nga Qazim Muja dhe botuar nga Onufri i Tiranës, është romani cili u promovua në Junik, për vlerat letrare të të cilit foli shkrimtari i mirënjohur Ibrahim Kadriu.

Manifestimi Muzat e Alpeve kulmoi me ndarjen e Cmimit per Veper Jetesore “TEUTA” , me te cilin promovohen vlerat e shkrimtarëve më të mirënjohur nga këto hapësira. Ky çmim me plot merite sivjet kaloi te Mirash Martinoviqi, I cili me krijimtarinë e tij shtrin ura dhe hap shtigje ndërmjet popujve. Ne arsyetimin për ndarjen e këtij çmimi të përgatitur nga shkrimtari boshnjak Safet Hadroviq Verbicki ndër të tjera tha se: “Mirash Martinoviqi është që “e ka drejtuar mendimin e vet kah ai realiteti që është shprehje e gjithçkajes”.