“Të zhdukurit në Holokaust...” bashkon rrëfimet e vuajtjeve të hebrenjve

14 Korrik 2016 - 10:02      

Prizren, 14 korrik - Mariana Sasson ka qenë ndër viktimat e para nga radhët e komunitetit hebraik të Zemunit, që ka pësuar në kampin e Stara Gradishkës, në vitin 1942, shkruan sot Koha Ditore.

Në fotografitë dhe përshkrimet e ekspozitës së titulluar "Të zhdukurit në Holokaust - Zemun, çdo fotografi tregon një histori", të autorit Nenad Vogel që është hapur në Hamamin e Gazi Mehmed Pashës në Prizren, shpjegohet se banorët e qytetit në Serbi e kujtonin atë si një qytetare të nderuar, që ishte pronare e dy dyqaneve për shitjen e duhanit.

Mirëpo gjatë viteve të turbullta të Luftës së Dytë Botërore, sikurse edhe 6 milionë hebrenj të tjerë, edhe ajo ishte vrarë në mënyrë mizore bashkë me vajzën e saj. Rrëfime të ngjashme ka edhe për viktimat hebraike të tjera nga Zemuni. Gjithsej numri i pjesëtarëve të këtij komuniteti në Zemun, që ishin vrarë gjatë Luftës së Dytë Botërore, ishte 574. Vogel përmes kësaj ekspozite mundohet që ta ruajë kujtesën për ta. Por ka përpjekje edhe për kultivimin e dialogut me miqtë nga qytetet dhe shtetet e tjera.

"Kjo ekspozitë që prezantohet para jush paraqet kujtesën për një komunitetit të zhdukur hebraik nga Zemuni. Hebrenjtë në Zemun nuk kanë qenë në numër të madh, rreth 600 anëtarë, por gjatë Luftës së Dytë Botërore janë vrarë 574 prej tyre, në kampet e përqendrimit në Jasenovc dhe Stara Gradishka", ka thënë Vogel, në hapje të ekspozitës, të martën mbrëma. Arsyeja kryesore e shpalosjes së kësaj ekspozite sipas autorit nuk ka qenë hapja e plagëve të vjetra, por ,përkundrazi, përkujtimi i viktimave që kanë pësuar nga Gjermania naziste.

"Kur shikoni në detaje, në këtë pano të shpalosura, nuk ka asnjë skenë të vrasjes. Kemi dashur që t'ju tregojmë se komuniteti hebraik ka qenë një komunitet i zakonshëm shoqëror e fetar në Zemun, që ka jetuar normalisht", ka deklaruar Vogel.
Realizimi i ekspozitës në Prizren është mundësuar në saje të bashkëpunimit të autorit me Bashkësinë Hebraike të Kosovës (më shumë, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

comments powered by Disqus

038 249 105     [email protected]    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...