Arrestohet njëri hajn që plaçkiti shtëpinë në Prizren derisa zonjës së shtëpisë ia mbyllën gojën

7 Shkurt 2017 - 11:46      

Hetuesit rajonalë të Policisë në Prizren kanë arrestuar njërin nga dy grabitësit e dyshuar të cilët me datën 1 shkurt, rreth orës 04:30 minuta të mëngjesit kishin hyrë me forcë në një shtëpi në rrugën “Zekrija Rexha” për të kryer vjedhje.

“Gjatë kontrollit për gjësende të vlefshme, i kishte dëgjuar e zonja e shtëpisë dhe ishte ngritur për të parë se çfarë po ndodhte, sakaq, të dyshuarit e kapin me forcë me ç‘rast njëri ia mbyll gojën që të mos bëzaj. Viktima është mbajtur nga grabitësi derisa i dyshuari tjetër e ka kontrolluar shtëpinë dhe nga aty janë vjedhur dy telefona dhe para të gatshme ndërsa nga qafa dhe gishtat e dorës i janë hequr me forcë një zinxhir dhe dy unaza. Viktima përpos që ishte tmerruar kishte pësuar edhe lëndim trupor”, thotë Policia e Kosovës në njoftimin e saj për media, raporton Koha.net.

Gjatë intervistës, në prani të avokatit mbrojtës, i dyshuari ka preferuar të mbrohet në heshtje. Hetuesit po punojnë për identifikimin edhe të dyshuarit të dytë. 

© KOHA. Të gjitha të drejtat janë të rezervuara.