I kërkuari nga gjykata arrestohet deri sa po rregullonte dokumentet në polici

2 Shkurt 2017 - 11:19      

Policia në Gjilan bën të ditur për arrestimin e një të kërkuari nga gjykata, derisa ai po rregullonte disa dokumente në polici.

Sipas njoftimi ngjarja ka ndodhur më 31 janar, rreth mesditës në Stacionin Policor të Gjilanit.

Ne raportin e sotshëm policor thuhet:

Në Stacionin Policor në Gjilan është paraqitur personi i dyshuar, shqiptar, shtetas i Kosovës, për t’i rregulluar disa dokumente. Por gjatë verifikimit ka rezultuar i kërkuar me një urdhëresë të lëshuar nga gjykata. Për pasojë ai është shoqëruar nga policët dhe gjatë kontrollimit i kanë gjetur një sasi të substancës narkotike të llojit Marihuan (me peshë 0.8 gram).
Me vendim të Prokurorit i dyshuari ndalet në mbajtje për 48 orë.
Rasti procedohet në PTH.