I zemëruar pas fjalosjes me të atin, shtie në ajër me revole

2 Shkurt 2017 - 11:15      

Policia e Kosovës, Stacioni Policor në Gjilan, ishte informuar dje se në fshatin Dobërçan të Gjilanit, një i dyshimtë, shqiptar, shtetas i Kosovës, fillimisht kishte pasur një mosmarrëveshje me anëtarët e familjes së tij, respektivisht babain, dhe në shenjë revolte dyshohet se në oborrin e shtëpisë së tij kishte shtënë në ajër më armë zjarri.

Sipas raportit të sotshëm të Policisë së Kosovës, njësitet patrulluese nga Stacioni Policor i Gjilanit kanë arritur ta lokalizojnë dhe ta arrestojnë të dyshuarin. Policia ka konfiskuar prej tij një armë të llojit Pistoletë Model 75, prodhim Çekosllovakë dhe 41 copë fishekë cal.9 mm. Është kontaktuar Prokurori i Shtetit i cili ka urdhëruar që rasti të procedohet në gjykatë.