Vidhet furgoni në Prishtinë, pronari tregon pse mund t’i jetë vjedhur

1 Shkurt 2017 - 21:14      

Furgoni Volkswagen T2, i prodhuar në 1973, i përdorur nga Leutrim Bajrami edhe për kamping, është vjedhur të hënën pasdite.

Për automjetin e vjedhur në parkingun e lagjes Ulpiana, Bajrami e ka njoftuar Policinë e Kosovës, ditën e martë.

E, përpos të dhënave që Policia i ka marrë mbi furgonin nga pronari i saj, ai ka thënë atij se njëra nga arsyet mund të jetë përdorimi i po këtij automjeti për vjedhje tjera.

“Policia më ka thënë dje se mbase automjeti më është marrë për të kryer vjedhje me të, e pas vjedhjes, ka gjasë që automjeti të lihet nga hajnat në ndonjë rrugë. Edhe sot (e mërkurë), kam qenë përsëri në Polici, ndërsa mora vesh se rasti ende nuk është dërguar në hetuesi”, i ka thënë Kohavisionit pronari i furgonit.

© KOHA. Të gjitha të drejtat janë të rezervuara.