Në Gjilan, arrestohet një person për “vrasje në tentativë”

31 Janar 2017 - 09:23      

Policia e Kosovës ka bërë me dije se në rrugën “Arben Ramadani”, Gjilan, të hënën në orën 21:30, është raportua për një rast “vrasje në tentativë”.

Sipas raportit 24 orësh të PK-së, njoftohet se është arrestuar i dyshuari mashkull, shqiptar i Kosovës, pasi që i njëjti ka shtënë me armë zjarri në drejtim të viktimës mashkull, gjithashtu shqiptar i Kosovës.

“Viktima ka pësuar lëndime të rënda në kokë dhe është dërguar në QKUK-Prishtinë për tretman mjekësor. Njësiti i hetimeve ka intervistuar edhe një të dyshuar mashkull K-Shqiptar dhe sipas tij deri te plagosja ka ardhur pasi që i dyshuari duke manovruar me armë aksidentalisht ka shkrepur arma dhe e ka goditur viktimën”, thuhet në njoftim, raporton Koha.net.

Njësiti policor në vendin e ngjarjes ka gjetur dhe konfiskuar një gëzhojë të kalibrit 6.35 mm e cila dyshohet të jetë shkrepur nga arma e llojit “Ekol Tuna” e cila është konfiskuar.

Dy të dyshuarit janë arrestuar dhe me urdhër të prokurorit dërgohen në mbajtje.

© KOHA. Të gjitha të drejtat janë të rezervuara.