Aksident në Vitomiricë, një i vdekur e një i plagosur rëndë

28 Janar 2017 - 12:19      

Policia e Kosovës përmes një njoftimi për media, bën me dije se më datën 28.01.2017 rreth orës 04:05 në rrugën regjionale Pejë – Mitrovicë, përkatësisht në fshatin Vitomiricë, ka ndodhur aksident trafiku me pasojë vdekjen e një personi dhe lëndimin e rëndë personit tjetër, që të dy këmbësorë.

Në ketë aksident ishte i përfshirë automjeti VW “Touran” me targa të regjistrimit vendor të cilin e drejtonte i dyshimti E.Z. shqiptar i Kosovës.

Këmbësorët viktima të këtij aksidenti janë: K.B. (1984) i cili ka ndërruar jetë në vendin e ngjarjes dhe vdekjen e tij e ka konstatuar ekipi mjekësor, ndërsa lëndime të rënda ka pësuar këmbësori tjetër Gj.R. (1976) i cili nga vendi i ngjarjes me autoambulancë është dërguar në spitalin rajonal Pejë për trajtim mjekësor.

Lidhur më këtë është njoftuar prokurori shteti i cili ka marrë pjesë në shikimin e vendit të ngjarjes ku me urdhër të tij, trupi i pa jetë është dërguar për obduksion në IMJ Prishtinë.

I dyshuari i këtij rasti, ngasësi i mjetit është ndaluar me vendim të prokurorit shtetit.

© KOHA. Të gjitha të drejtat janë të rezervuara.