Gjatë 24 orëve 27 aksidente me të lënduar

6 Janar 2017 - 12:23      

Policia njofton se si pasojë e të reshurave të borës qarkullimi në trafikun rrugor është vështirësuar ndërsa rrugët Kaçanik – Hani i Elezit dhe Pejë – Kullë- Rozhajë janë të mbyllura.

Policia njofton se rrugët e tjera janë të hapura por me mjaft vështirësi nëpër disa rrugë e në veçanti nëpër zona malore. Policia sërish apelon te të gjithë pjesëmarrësit në trafikun rrugor që të jenë të kujdesshëm.

Brenda 24 orëve të fundit kanë ndodhur 27 aksidente trafiku me të lënduar, ndërsa numri i aksidenteve pa lëndime ka shkuar në 100. Moti i rënduar nga reshjet e borës ka bërë që edhe sot të anulohen tri fluturime në Aeroportin Ndërkombëtar të Prishtinës, “Adem “Jashari”.

KEDS-i njofton se moti i ligë po vazhdon të shkaktojë prishje të rrjetit elektrik e zonat më të prekura janë Rajoni i Dukagjinit, përkatësisht Peja, Prizreni dhe Gjakova dhe rajoni i Mitrovicës. Erërat e forta kanë shkaktuar dëme të shumta edhe në komunën e Istogut.

© KOHA. Të gjitha të drejtat janë të rezervuara.