Në Maqedoni, hajni shfrytëzoi natën e Vitit të Ri për të vjedhur 5 mijë euro në një shtëpi

2 Janar 2017 - 16:37      

Pesë mijë euro janë vjedhur nga një shtëpi në Vinicë të Maqedonisë, natën e Vitit të Ri, informoi sot Ministria e Punëve të Brendshme.

Sipas MPB-së, Z. M. (42) në Stacionin policor Vinicë në linjë telefonike ka denoncuar se në periudhën prej orës 22 më 31 dhjetor deri në orën 00:15 më 1 janar një person i panjohur ka kryer plaçkitje në shtëpinë e tij.

“Personi, përmes derës së pasiguruar të garazhit, ka hyrë në oborr, ndërsa pastaj me përdorimin e ndonjë vegle e ka hapur derën e hyrjes së shtëpisë, është ngjitur në katin e shtëpisë, ka kërkuar dhe ka marrë rreth 5.000 euro, pas çka ka ikur në drejtim të panjohur. Po ndërmerren masa për gjetjen e autorit dhe për zbardhje të tërësishme të rastit”, njoftoi MPB në Buletinin e rregullt, përcjell ksp.