Aksioni i policisë duke kapur grabitësin e kazinove në Tiranë [video]

31 Dhjetor 2016 - 09:59      

Policia e Tiranës ka publikuar sot videon e grabitjes së kazinosë mbrëmë te Zogu i Zi, si dhe videon e arrestimit të autorit. Sipas njoftimit, më datë 30.12.2016, Shërbimet e Komisariatit të Policisë Nr 3, kanë kapur në flagrancë shtetasin Ilir Lelo ,45 vjeç banues Tiranë.

Ky shtetas ka grabitur nën kërcënimin e armës së zjarrit, një pikë lojrash fati tek Zogu i Zi, ku ka marrë një shumë monetare.

Shërbimet e Policisë porsa kanë marrë njoftim për ngjarjen e ndodhur kanë ngritur pika kontrolli dhe ka kanë filluar krehjen e zonës.

Shërbimet e Policisë kanë marrë informacion se autori i dyshuar po tenton të grabisë nën kërcënimin e armës një pikë tjetër në afërsi të Komisariatit të Policisë nr 3. u bë kapja në flagrancë brenda në kazinon, ku po tentohej të realizohej grabitja e dytë.

Në cilësinë e provës materiale është sekuestruar një armë zjarri tip
pistoletë model 54 i tipit TT.