Hetuesit dyshojnë se viktima është vrarë, djegur e groposur

28 Dhjetor 2016 - 06:30      

Hetuesit e Policisë rajonale të Prizrenit të mbështetur nga njësiti K-9 dhe pjesëtarët e Forcës së Sigurisë të Kosovës, të martën, në kodrat e fshatit Studençan të Suharekës kanë gjetur trupin e pajetë të një personi, shkruan sot Koha Ditore.

Sipas informatave fillestare dyshohet se viktima e gjetur është A.B. nga Komuna e Suharekës, që evidentohej si i zhdukur që nga fillimi i tetorit të këtij viti.

Policia rajonale e Prizrenit e mbështetur nga Forca e Sigurisë e Kosovës deri më tani kishin ndërmarrë disa operacione kërkimi, që kishin rezultuar të pasuksesshme. Javën e kaluar ishin dakorduar që të ndërmarrin sërish një aksion kërkimi, para se të binte bora. Kësisoj të martën në orët e paradites kanë arritur që në Oraq të fshatit Studençan të gjejnë një kufomë, që dyshohet të jetë trupi i pajetë i A. B., i cili figuron i zhdukur që nga data 6 tetor 2016.
Më gjerësisht lexoni sot në Koha Ditore

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.