Apeli refuzon ankesën e prokurorit për Lutfi Hazirin

16 Dhjetor 2016 - 13:39      

Prishtinë, 16 dhjetor - Gjykata e Apelit e Kosovës e ka refuzuar si të pa bazuar ankesën e prokurorit të Prokurorisë Speciale të Republikës se Kosovës, të ushtruar kundër aktvendimit të Gjykatës Themelore në Gjilan, të datës 28.10.2016.

Me anë të këtij aktvendimi, Gjykata Themelore në Gjilan e ka hedhur aktakuzën e Prokurorisë Speciale, të datës 30.08.2016, të paraqitur ndaj të pandehurit Lutfi Hazirit, për shkak të veprës penale: Keqpërdorim i pozitës apo autoritetit zyrtar nga neni 422 i Kodit Penal të Republikës se Kosovës, dhe e ka pushuar procedurën penale ndaj tij.

Kolegji penal i Gjykatës së Apelit vlerëson se gjykata e shkallës se parë ka vepruar drejtë kur e ka hedhur aktakuzën, ngase nga provat e paraqitura në aktakuzë në asnjë rrethanë nuk vërtetohet përtej dyshimit të bazuar, se i pandehuri duke e keqpërdorur detyrën zyrtare ka ndërmarrë veprime konkrete për të përfituar për vete ose të tjerët, apo i ka shkaktuar me qellim dëm dikujt.