Refuzon t’ia çel Policisë derën e fshehur ku mbante aparate kazinoje, arrestohet

10 Dhjetor 2016 - 14:12      

Policia e Kosovës, ka njoftuar se në Prizren, më 9 dhjetor rreth orës 23:30 është arrestuar i dyshuari mashkull turk pasi që i njëjti ka refuzuar urdhrat e personave zyrtarë për hapjen e një dere të fshehur të një dhome në të cilën janë gjet dhe konfiskuar katër aparate të lojërave të fatit të palicencuara.

“Njësiti policor NJRHKEK ka zbatuar planin operativ ‘Lloto’ në bazë të urdhëresës së Gjykatës Themelore e në bashkëpunim me doganat e Kosovës, inspektorët komunalë dhe Inspektorët e ATK-së, kanë bërë bastisjen në dy lokacione të ndryshme të lojërave të fatit në të cilët janë ushtruar veprimtari në mënyre të kundërligjshme”, raporton PK, përcjell Koha.net. “Të dy lokacionet janë mbyllur ndërsa janë konfiskuar kompjuterë dhe dëshmi të tjera lidhur me ushtrimin e këtyre veprimtarive. Me urdhër të prokurorit i dyshuari dërgohet në mbajtje”.

© KOHA. Të gjitha të drejtat janë të rezervuara.