Raport i KTV-së për vrasjen e sotme në Mitrovicë [video]

7 Dhjetor 2016 - 19:06      

Valon Sadiku, 21 vjeçar, ka mbetur i vdekur, si pasojë e plumbave që janë shkrepur në drejtim të tij, raporton KTV.

Ngjarja ka ndodhur shumë pranë gjimnazit “Frang Bardhi” në Mitrovicë, saktësisht gjatë pushimit të gjatë të ndërrimit të paradites, mirëpo viktima nuk ka qenë nxënës i këtij gjimnazi.

Por, nxënës i gjimnazit ishte dorasi V.B., i cili qëlloi me armë zjarri në drejtim të viktimës.

Sipas nxënësve, V.B. është në klasë të 12-të.

Një nxënëse, e cila preferoi të mbetet anonime, tregoi se ishte shumë afër kur ka ndodhur kjo ngjarje dhe armën, me të cilën është gjuajtur viktima, ajo e quan kallashnikov.

Edhe Egzon Hyseni, një tjetër dëshmitar, thotë se gjithçka ndodhi shumë shpejt.

Ndonëse vrasja ndodhi në mëngjes, ende nuk janë bërë të ditura arsyet.

Policia e Kosovës në Mitrovicë bënë të ditur se 2 persona janë arrestuar, ndërsa nuk janë dhënë detaje të tjera.

Ndërkaq, për shkak të rastit, nxënësit edhe të gjimnazit “Frang Bardhi”, por edhe të shkollës ekonomike, nuk kanë mbajtur ndërrimin e pasdites.

Raport i KTV së – për vrasjen e sotme në Mitrovicë by kohanet

© KOHA. Të gjitha të drejtat janë të rezervuara.