Kivi - mbrojtësi më i mirë nga gripi

28 Janar 2017 - 08:23      

Menyja e pasur me vitamina dhe materie të tjera ushqyese ka rëndësi shumë të madhe në ditët e ftohta të dimrit, kur na kërcënon epidemia e gripit. Për pemët dihet që janë thesar i vërtetë i vitaminave, ndërsa kivi konsiderohet më i shëndetshmi, theksojnë nutricionistët, transmeton koha.net.

Kjo pemë përmban vitamina të grupit B, si dhe vitaminat A dhe C, por edhe niacinë, proteina, kalcium dhe hekur. Kivi është i shkëlqyer edhe për nënat e ardhshme, sepse vitaminat e grupit B ndihmojnë që fryti të zhvillohet në mënyrë të drejtë. Si burim i rëndësishëm i kaliumit rregullon tensionin e gjakut, ndërsa duke iu falënderuar luteinës mbron shikimin.

Më së miri është të hahet në gjendje të freskët çdo ditë, sipas mundësisë në sasi më të mëdha. Përveç që rrit aftësitë mbrojtëse të organizmit, ul kolesterinën dhe neutralizon edhe radikalet e lira.

© KOHA. Të gjitha të drejtat janë të rezervuara.