Mënyra e gabuar e aplikimit të kremit i shkakton rrudhat

22 Janar 2017 - 18:57      

Parandalimit të rrudhave në sy nuk i kontribuon vetëm përdorimi i një kremi të mirë, por varet gjithashtu edhe nga njohja e kujdesi për zonën rreth syve.

Ka një mënyrë të duhur për të aplikuar produktet e syve dhe nëse e bëni në mënyrë të gabuar, kjo mund të përshpejtojë shfaqjen e rrudhave, shkruan sot Koha Ditore.

Nëse fërkoni dhe tërhiqni lëkurën delikate rreth syve kjo mund të shkaktojë që qepallat të humbin elasticitetin duke u rrudhosur lëkura afër, thekson dermatologia Ylfete Shatri nga Ordinanca “Gerlorgen”.

Lëkura rreth syve është shumë më e hollë se pjesa tjetër e fytyrës dhe kështu ju vërtetë mund të dëmtoni kolagjenin dhe kapilaret. Profesionistja këshillon që të menaxhoni butësisht zonën rreth syve duke e trajtuar sikur prekni butë mëndafshin.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.