Femrat janë më optimiste, sepse kanë miqësi më të forta se meshkujt

20 Dhjetor 2016 - 20:36      

Një e katërta e femrave nuk i frikësohet aspak plakjes, madje i gëzohet, dhe për këtë më së shumti u ndihmon koha e këndshme me miket, ndërsa nuk është i rëndësishëm numri i mikeshave por kualitetit i marrëdhënieve, transmeton koha.net.

Femrat janë më optimiste sesa meshkujt sa i përket të ardhmes, për ç’arsye më lehtë e përballojnë krizën e moshës së mesme, zbulon hulumtimi i kompanisë "Gallup-Healthways". Kështu një e katërta e femrave ne moshën prej 45 deri 55 vjet i gëzohen kohës që vjen, ndërsa kështu mendojnë edhe rreth 15 për qind e meshkujve, transmeton koha.net.

Dallimin më të madh e bën “rrjeti” i mbështetjes që e kanë femrat, të cilin e përbëjnë mikeshat e tyre më të mira. Me këtë mbështetje dhe bisedat për problemet jetësore femrat “përballen” më lehtë me plakjen, ndërsa miqësitë në mes meshkujve ja më të dobëta dhe ata nuk kanë aq mbështetje.

Hulumtuesit kanë zbuluar që në aspekt të mbështetjes nuk është i rëndësishëm numri i mikeshave por kualiteti i marrëdhënieve, kështu që femrat më optimiste kanë katër deri gjashtë mikesha të ngushta.

Qindra miq në Facebook nuk janë asnjë lloj zëvendësimi për marrëdhëniet e vërteta, ndërsa fakti që femrat zhvillojnë miqësi më të forta shpjegon se ato më lehtë i përshtaten moshës më të vjetër, shpjegojnë hulumtuesit.

© KOHA. Të gjitha të drejtat janë të rezervuara.