Pesë mënyra për të mos kërkuar falje

17 Dhjetor 2016 - 16:40      

Për shumë çifte, “më fal” mund të jetë e zakonshme si “të dua”. Por, çfarë të bëni kur nuk ndiheni edhe aq të disponuar për ta pranuar gabimin, edhe pse e dini që është mënyra më e mirë për të pasur përsëri qetësi në shtëpi?

Ka disa mënyra që të kërkoni falje, dhe megjithatë të mos pranoni që t’ju shkelin si “leckë” apo kurban. Ja se si:

Më vjen keq që të kam nervozuar...
Kjo gati gjithmonë kryen punë. Me këtë gjë e vërtetoni që partneri juaj është i/e pikëlluar, i/e zemëruar apo i/e dëshpëruar, por nuk e pranoni që ju keni kontribuar në këtë. Kjo është zgjidhja më e mirë për ata që janë shumë kokëfortë ose drejtësidashës për të pranuar gabimin. Sido që të jetë, keni gjasa shumë të mira që partneri juaj të jetë i/e kënaqur dhe të ndalet së dërdëllituri.

Më vjen keq, me gishta të kryqëzuar...
Kjo kërkon nga ju që t’i kërkoni falje partnerit për “prapësinë” tuaj, dhe në të njëjtën kohë t’i kryqëzoni gishtat pas shpinës si një shkollar. Mund të shkoni edhe në dhomën tjetër dhe t’i pëshpëritni vetes që “...vetëm po mahitem!”, transmeton Koha.net. Më së miri funksionon te njerëzit e papjekur dhe tek ata që nuk mërziten shumë për ndershmërinë.

Më vjen keq, nuk e kam ditur..
Kërkim i faljes që mund të përdoret vetëm në disa rrethana të caktuara. Nëse e përdorni kur keni harruar përvjetorin, nuk do të nxirreni lehtë. Mirëpo “më vjen keq, nuk kam dëgjuar që qan fëmija sepse zëri i transmetimit të lojës në televizor ishte sa s’ka ku shkon më lart”, mund të jetë një truk i suksesshëm. “Më vjen keq, por kam qenë i dehur” bie në zonën gri, dhe çka do të meritoni varet prej asaj se sa e keni tepruar me prapësitë tuaja.

Më vjen keq, por ti më ke shtyrë...
Të kërkuarit e tillë të faljes nuk rekomandohet. Taktika e hedhjes së fajit tek tjetri gati gjithmonë i përkeqëson gjërat. Megjithatë, mund të jetë edhe e suksesshme, nëse tek-tuk fusni edhe ndonjë kompliment.

E tërheq fjalën...
Alternativë e shkëlqyeshme për të kërkuar falje dhe është vërtetuar që ka sukses. Njëlloj si tek “më vjen keq që të kam nervozuar..” ju nuk e pranoni fajin, por shprehni keqardhje për atë që keni thënë. Për shembull: “Nuk është dashur t’i them shoqes tënde që llazanjet të cilat i ke bërë duken si të lëna.”Në këtë rast, ju nuk thoni që ju vjen keq, e as që nuk e keni menduar atë gjë, por vetëm që ju vjen keq që e keni thënë fare këtë gjë.

Sigurisht, kërkimi i drejtë i faljes është gjithmonë zgjidhja më e mirë. Por edhe ndonjë dhuratë e pajtimit do të ndihmojë që të zbuten gjërat. Por mos harroni, mos u ktheni në lulishte, por vizitoni ëmbëltoren.

© KOHA