Shkuma për rrojë largon njollat kokëforta

10 Dhjetor 2016 - 21:49      

Larja dhe mirëmbajtja e rrobave është rutinë, por pavarësisht nga përvoja dhe shprehitë ekzistojë disa sekrete të vogla dhe të fshehta që mund t’ua lehtësojnë punën.

Nëse tashmë nuk i keni provuar truqet që japin rezultate të shkëlqyera:

• Yndyrat nga lëkura tërheqin papastërtinë e cila më së shumti grumbullohet në jakë të këmishës. Para se ta fusni këmishën në makinën e larjes lyejeni jakën me shampon.

• Nëse bëhet fjalë për njolla kokëforta, rrobën zhyteni në ujë të vakët me pak detergjent dhe lëreni të qëndrojë ashtu gjatë tërë natës.

• Që e bardha të mbetet e bardhë, ndërsa e zeza të mos zbardhohet, rrobat kthejini nga ana e prapme dhe lajini në temperaturën më të ulët.

• Në njollat më kokëforta siç janë ato të kafesë, keçapit ose salcave të yndyrshme aplikoni shkumë të rrojës dhe lëreni të qëndrojë rreth gjysmë ore dhe pas kësaj lajeni në makinë.

• Nëse makina juaj ka marrë aromë të pakëndshme në enën për detergjent shtoni gjysmë filxhani sodë bikarboni dhe lëshojeni për një larje të shkurtër, transmeton Koha.net. Soda e bikarbonit do të largojë të gjithë aromat e pakëndshme.

• Në makinë mund ta lani edhe perden e kabinës për dush. Përdoreni programin për materiale sintetike deri në 40 gradë dhe detergjentin e zakonshëm.

• Uthulla është mjeti më i mirë për mbrojtjen e materialeve dhe ka efektin si zbutësi. Në program të shpëlarjes shtoni një filxhan uthull dhe veshja do të mbetet e butë. Uthullën mund ta shtoni edhe tek larjet në dorë.

• Futni në makinën e larjes dy topa të tenisit bashkë me peshqirët dhe mbulesat dhe zbutësi nuk do t’ju nevojitet. 

© KOHA