Shkencëtari Hawking: Obeziteti, vrasësi më i madh i njerëzimit

2 Dhjetor 2016 - 10:05      

Profesori Stephen Hawking ka bërë një varg paralajmërimesh në lidhje me ata që janë cilësuar si vrasësit më të mëdhenj në botë.

Në një video një minutëshe të gjatë, profesori thotë se beteja me obezitetin është një nga betejat më serioze me të cilat është përballur ndonjëherë njerëzimi.

Profesor Hawking shprehet: “E shikoj botën si një të tërë dhe jam këtu për të adresuar se cilat janë problemet më shqetësuese me shëndetin në shekullin 21. Sot shumë njerëz vdesin nga komplikime që lidhen me obezitetin. Ne hamë shumë dhe lëvizim pak. Fatmirësisht zgjidhja është e thjeshtë: më shumë aktiviete fizik dhe një ndryshim në dietën ushqimore. Nuk kërkon ndonjë shpikje të madhe.

Ai vë theksin tek aktiviteti fizik, i cili është shumë i rëndësishëm për shëndetin njerëzor, ku të rriturit duhet të kryejnë të paktën 30 minuta aktivitet fizik dhe fëmijët deri në 60 minuta.