Printet afrikane pushtojnë pasarelat

27 Nëntor 2016 - 20:17      

Fashionistët kanë filluar të pasionohen me printet afrikane. Disenjatorët po krijojnë veshje shumë të bukura me këto printe dhe kjo po ju jep shumë kreativitet. Femrat moderne po duan që stili i tyre të jetë unik, special dhe i ndryshëm nga i zakonshmi.

Disenjatorët po ua plotësojnë këto kërkesa përmes printeve afrikane. Gazetarja e modës Chayet Chiénin ka thënë se fustanet më të suksesshëm të disenjatorëve po bëhen ata që përfaqësojnë personalitet të veçantë e stil unik. Chiénin tha se fashionistët e sotëm po kërkojnë që personaliteti i tyre i fortë të reflektohet në sensin e stilit të tyre. Këto lloj pasionesh, kërkesash e pretendimesh po realizohen përmes stilit Ankara, shkruan sot Koha Ditore.

Chienin ka shpjeguar se stili Ankara është një stil i ri i modës që e ka prejardhjen nga rrugët e qytetit të Lagosit që dikur ishte kryeqytet i Nigerisë. Stili Ankara tashmë është bërë i njohur botërisht dhe po përdoret nga disenjatorët më të mëdhenj për të krijuar veshje me printe me ngjyra. Pasi që shumë personalitete të njohura janë parë duke u veshur me këtë stil edhe njerëz të tjerë kanë filluar ta adoptojnë në stilet e tyre individuale.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.