"Astma Stuhi" në Australi shkakton vdekjen e 4 personave

24 Nëntor 2016 - 11:52      

Katër persona kanë vdekur dhe qindra të tjerë janë hospitalizuar në qytetin e dytë australian për nga madhësia, Melburn nga shkaku i shfaqjes së të ashtuquajturës "astma stuhi".

Në mesin e të vdekurve është një 20 vjeçare e cila ka ndërruar jetë si pasojë të një sulmi që ka shkaktuar ngulfatje. Shtëpia e shëndetit Melburn të hënën kishte pranuar 1.870 kërkesa për ndihmë mjekësore që është për gjashtë herë më shumë se zakonisht, deklaroi zëdhënësi Mick Stephenson.

E ashtuquajtura "astma stuhi", shkaktohet nga shiu i cili liron rinitisin alergjik (ethe polenore) dhe shkakton astmë polenore.

Një fenomen i tillë është i përhapur në mesin e qytetarëve të Melburnit dhe atyre të Wagga, por edhe në Londër kur ka shira të shpeshtë dhe të rrëmbyeshëm ndërsa temperatura e ajrit është çuditshmërisht e lartë.

Një numër i madh i qytetarëve të Melburnit me 2 milionë banorë u ankuan për simptome nga “astma stuhi", pasi gjatë fundjavës qyteti u kaplua nga një shi.

Shiu ndikon në pluhurin e luleve, polenin, i cili pastaj thith lagështi duke liruar qindra grimca të vogla alergjike që depërtojnë thellë në rrugët e frymëmarrjes përmes mushkërive.

Profesori George Braitberg i cili drejton spitalin Royal Melbourne, skenat e së hënës i ka krahasuar me një “zonë lufte”, pasi shtatë pacientë janë transferuar në dhomat e përkujdesit intensiv në mesin e të cilëve ka patur të tillë të cilët asnjëherë më parë nuk kanë vuajtur nga astma.

“Unë punoj si mjek në dhomën e urgjencës gati 35 vite. Kam punuar në shumë spitale dhe mund të them se kësi situate nuk kam parë kurrë”, tha Braitberg për televizionin australian Channel Ten Network.