Kriza e identitetit, gjithnjë e më e shpeshtë në fund të 20-ave dhe 30-ave

19 Nëntor 2016 - 16:42      

Të rinjtë, siç definohen ata në moshën prej 25 deri 35 vjeçare, gjithnjë e më shpesh kalojnë nëpër krizën e çerekut të jetës, ka zbuluar hulumtimi i Universitetit Greenwich, transmeton koha.net.

Atë për dallim nga kriza e famshme e “moshës së mesme” e karakterizon pavendosmëria gjatë ballafaqimit me sfida të shumta jetësore, nga përfundimet e të cilave varet rrjedha e mëtejshme e jetës. Për këtë arsye, ndjenja e ankthit, depresionit dhe robërimit në vendin punës ose në marrëdhënien e dashurisë e cila nuk i lumturon është gjithnjë më e shpeshtë, ndërsa vendimi gjithnjë më i pasigurt.

“Ky fenomen sot në mënyrë të konsiderueshme është më i shprehur se në dekadat e mëhershme, kur kemi konsideruar që njerëzit thjesht më herët kalojnë nëpër krizën e moshës së mesme”, pohon autori i studimit, Oliver Robinson.
Konkludimet i bazon në analizën e disponimit të vullnetarëve që ishin në fund të 20-ave dhe fillim të 30-ave, ndërsa konsiderohet që shkaku i krizave të tilla është presioni shoqëror i imponuar të rinjve që duhet të fitojnë shumë, të shijojnë punën e vet dhe të krijojnë familje, mundësisht të lumtur.
Cary Cooper nga Universiteti Lancaster konsideron që të rinjtë sot përballen me një lloj tjetër sfidash se sa prindërit e tyre në atë moshë.

“Para se arrijnë vitin e 30-të të jetës, të rinjtë sot ndërrojnë edhe deri pesë punë të ndryshme, ndërsa kriza globale ekonomike i bën më të pasigurt për shkak të çështjes së pazgjidhur se ku do të banojnë. Njëkohësisht përballen edhe me më shumë zgjidhje në të cilat duhet të mbështeten për saktësinë e vendimeve të tyre”, konsideron dr. Cooper.

Karakteristikat e krizës “së çerekut të jetës”

Koncepti i krizës së çerekut të jetës ka të bëjë më ndryshimet në disponim pas periudhës së adoleshencës, ndërsa për herë të parë në psikologji përmendet në librin “Quarterlife Crisis: The Unique Challenges of Life in Your Twenties” i autorëve Abby Wilner dhe Alexandre Robbins.

Këtë krizë e karakterizon:

- pamundësia e pranimit të vetes dhe përkushtimit ndaj të tjerëve;
- pasiguria ndaj arritjeve të veta;
- pakënaqësia me punën;
- mërzitja në marrëdhëniet shoqërore
- dëshirat për fëmijë që jeta të ketë kuptim;
- humbja e lidhjeve me miqtë „e vjetër“;
- zilia dhe ndjenja që tjerët janë më të suksesshëm se ne;
- frustrimi me përditshmërinë.

Si të dilet nga kriza?

Mungesa e punës që ka kuptim dhe orientim shpesh është shkak i krizës së çerekut të jetës, konsiderojnë psikologët. Puna kuptimplotë kryesisht ka të bëjë me kënaqësinë në punë apo orientimin e përpjekjeve për të bërë atë çka na plotëson, çka nënkupton kurse shtesë, krijim të kontakteve dhe kërkimi i një pune shtesë krahas punës së rregullt sepse e frustron.
Zhgënjimi me arritjet personale dhe marrëdhëniet emocionale do të jenë më të vogla nëse njeriu me të vërtetë i dëgjon dëshirat e veta, dhe më pak atë çka e porosit rrethi që është më e mirë për të. Psikologia Christina Hassler konsideron se si të gjithë duhet ta arrijnë vetëdijesimin që jeta nuk është garë e ndarë nëpër etapa dhe që është e thënë se duhet doemos të martohemi deri në moshën 25-vjeçare, të bëhemi me fëmijë deri në moshën 30-vjeçare, e as të kemi banesën tonë deri në moshën 35-vjeçare.
“Jeta është udhëtim i paparashikueshëm përplot me ndodhi në të cilat nuk mund të ndikojmë, pra as edhe të kemi përgjegjësi për to”, thotë dr. Hassler.

© KOHA. Të gjitha të drejtat janë të rezervuara.