Truqe për qerpikë të gjatë e të shëndetshëm

13 Nëntor 2016 - 17:01      

Qerpikë të gjatë, të bukur e të dendur. Kjo mbase është ëndërr e secilës femër. Mirëpo, jo të gjitha, madje shumica nuk e kanë fatin të kenë qerpikë të tillë “të përkryer”. Për këtë arsye, pjesa tjetër përdor rimel për një dukje më të mirë.

Ekzistojnë disa metoda, të cilat profesionistët rekomandojnë për të përmirësuar gjendjen e qerpikëve. Madje, në disa raste janë edhe të pakushtueshme. Qerpikët janë si flokët, kanë një cikël jete, lindin, rriten dhe “vdesin”, shkruan sot Koha Ditore.

Pos anës estetike, ata luajnë rolin e mbrojtjes së syve, prandaj kujdesi ndaj tyre është i domosdoshëm. Njëri prej profesionistëve të kozmetikës, Krenar Gashi nga Qendra Estetike “Estethica”, këshillon që çdo natë para se të flini, të pastroni rielin me një pastrues delikat të posaçëm për sy.

“Kjo është shumë e rëndësishme, sepse grimi shkakton tharje dhe këputje të folikulës së qerpikut, e cila është tepër delikate. Shmangni fërkimin apo tërheqjen kur pastroni qerpikët”, shton ai.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.