Ekonomistët dëshmojnë që krimi në të vërtetë nuk shpaguhet

9 Nëntor 2016 - 21:48      

Preja e një grabitjeje të bankës mjafton që në mënyrë shumë modeste të jetohet gjashtë muaj, ndërsa çdo tentativë e ardhshme e plaçkitjeve në mënyrë dramatike rrit shansin e arrestimit, transmeton koha.net.

Kur borxhet nuk paguhen, ndërsa gjendja në llogari mund të dëprimojë edhe personin më të lumtur në botë, shumë personave ju shkon në mendje, të paktën në imagjinatë, për ta plaçkitur një bankë edhe kështu një herë e përgjithmonë të zgjidhin të gjitha problemet e tyre jetësore. Gjykuar sipas analizës matematikore plaçkitja e bankës në asnjë aspekt nuk shpaguhet financiarisht.

Një grup i ekonomistëve kanë studiuar suksesin e plaçkitjes së bankave në SHBA dhe Britani të Madhe dhe nëse nga ajo mënyrë e fitimit mund të jetohet normalisht duke e shikuar në aspektin afatgjatë, transmeton koha.net.

Rezultatet kanë treguar se si preja mesatare e një plaçkitje të bankës për person në SHBA është 4.330 dollarë, ndërsa në Britani të Madhe 12.706 funte, çka do të thotë që hajduti në të dy vendet duhet të përsërisë veprën e vet vetëm për të mbijetuar.
Paga mesatare vjetore e një punëtori manual në Britani është 26 mijë funte, dhe kjo do të thotë që grabitësi i bankës në Britani nga preja e vet mund të jetojë në mënyrë shumë modeste vetëm gjashtë muaj. Për të siguruar ekzistencën, ai duhet ta përsërisë veprën e tij të prapë, ndërsa për çdo plaçkitje të bankës, rriten shanset që do të kapet.

Pas tentimit të katërt ose dy viteve jetesë nga grabitjet është gati e pashmangshme kapja nga dora e drejtësisë dhe pastaj mund të përshëndetet me çfarëdo fitimi, madje edhe nga pagesa për ambalazhin plastik të kthyer.

Nëse pavarësisht paralajmërimeve të ekonomistëve për mos-shpagimin e krimit përcaktoheni për grabitje të bankës, niseni këtë gjë me sa shumë pjesëmarrës, sepse masa e presë rritet për rreth 6 mijë dollarë për kokë të grabitësit.
Studimi është publikuar në revistën profesionale “Significance”.

© KOHA. Të gjitha të drejtat janë të rezervuara.