Ringjallja e të kafenjtës dhe e portokalltës te veshjet e meshkujve

6 Nëntor 2016 - 20:11      

Ngjyra e kafenjtë me pak ekstrakt të së portokalltës është ngjyra më “in” në koleksionet e meshkujve për sezonin vjeshtë/dimër 2016-17, shkruan sot Koha Ditore.

Disenjatorët e shtëpitë e njohura e kanë përdorur shumë këtë ngjyrë për të krijuar mantele, xhaketa, pallto, pantallona, xhemperë, aksesorë, etj. Gazetari i modës Nick Carvell ka thënë se kjo ngjyrë është ringjallur teksa ne ishim duke menduar për ngjyrat e zakonshme të vjeshtës.

Kjo nuancë po kombinohet shumë bukur me nuanca të tjera vjeshtore, si e hirta, kafenjta e hapur, krem, e gjelbër, e kaltër e errët, etj. Por, Nick tha se nuk bën të teprohet kur është fjala për kombinimin.

Ai tha se kjo ngjyrë është më mirë të mos kombinohej me më shumë se dy ngjyra. Në rast se dëshironi të inkuadroni ngjyrën e tretë, atëherë mirë është të visheni me ngjyrë të zezë në tërësi. Sipër të zezës vishni një xhaketë të kafenjtë në të portokalltë. “Ngjyra e tretë që dëshironi të inkuadroni të jetë një aksesor i vogël si ndonjë kuletë apo shall”, ka thënë Nick.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.