“PFN 2016” prezanton veshje të përditshme dhe fustane solemne [video]

1 Nëntor 2016 - 19:06      

Edhe një herë tjetër, “Prishtina Fashion Nights 2016 - Istanbul Dantel” u mundësoi adhuruesve të modës të shohin brendet më të reja për të rritur e fëmijë. Në edicionin e nëntë të kësaj ngjarjeje u prezantuan gjithsej 22 brende, në dy net të ndara.

Në mbrëmjen e dytë, pos tjerash, prezantuan koleksionet e tyre studentët e vitit të dytë të Akademisë së Modës “Evolucion”.

Drejtoresha e kësaj shkolle, Enkelejda Shatri, deklaroi se është punuar shumë seriozisht për këtë prezantim dhe meritat më të mëdha iu takojnë vet studentëve për punën e palodhshme.

Shatri shtoi duke thënë se organizimet e këtilla janë shumë të nevojshme për studentët.

Me një koleksion të ri u paraqit edhe disenjatorja Fetije Mehmeti.

“Prishtina Fashion Nights” vitin tjetër do të shënojë edicionin e dhjetë.

“Prishtina Fashion Nights - Istanbul Dantel” organizohet nga B Models dhe IB Events.

© KOHA. Të gjitha të drejtat janë të rezervuara.