Kapeni gënjeshtarin me ndihmën e 10 shenjave të vogla të pagabueshme

25 Tetor 2016 - 15:45      

Metodat e FBI-së: Detajet e panevojshme, ngjyra e zërit dhe përemrat janë shenja aq të besueshme të gënjimit saqë FBI u beson më shumë se detektorit. Gënjeshtarët shpesh shprehen në mënyrë të përkryer.

Duke iu falënderuar rezonancës magnetike, truri në mënyrë të pagabueshme e tradhton gënjeshtrën - gjatë skanimit ndriçohen zonat të cilat nuk punojnë derisa flasim të vërtetën, ka treguar hulumtimi, transmeton Koha.net. Por pasi që të gënjyerit e rraskapit mendjen dhe trupin, rrenat mund të njihen edhe pa pajisje moderne.

Mënyra e zbulimit në bazë të përmbajtjes së tregimit është më e vështirë, por është mënyrë më e sigurt e detektimit të së vërtetës. Është aq e besueshme saqë gjithmonë e ka përdorur edhe FBI-ja. Njerëzit të cilët flasin të vërtetën japin përgjigje të shkurtra, të drejtpërdrejta dhe të qarta, ndërsa njeriu i cili gënjen e aplikon “strategjinë e detajeve” – përmend numër të panevojshëm të detajeve, zmadhon dhe shkapërcen informacionet e rëndësishme. Gënjeshtari kështu flet shumë, por nuk thotë asgjë.

Në rastin e përdhunimit në FBI i dyshuari ka thënë më shumë se 300 fjalë para se të thoshte: “E mohoj që e kam bërë!” Hetimi ka treguar që ka gënjyer. Por strategjia e detajeve ka të bëjë vetëm me gënjeshtarin, i cili ka pasur kohë për ta planifikuar gënjeshtrën e vet. Nëse bashkëbiseduesi bëhet i dyshimtë, gënjeshtari me të shpejtë e ndryshon strategjinë dhe nga frika që mund të jetë i zbuluar, përdor rregullën e dëshmuar: “Sa më pak detaje që përmenden, më pak shanse që të më kapin duke gënjyer”.

Fshihen prapa fytyrës së ngurtë
Nëse bashkëbiseduesi juaj rri ulur i qetë, është i relaksuar dhe anon kokën herë në njërën dhe herë në anë tjetër – ai u përgjigjet pyetjeve në mënyrë të sinqertë. Për gënjeshtarin pyetjet janë kërcënime dhe ai qëndron drejt dhe i ngrirë. Po ashtu edhe fytyra e personit që gënjen është e shtangur dhe serioze. Një nga shenjat e gënjimit është ngjyra e zërit, e cila nuk është në përputhje me shprehjen e fytyrës dhe me qëndrimin e ngurtë përpiqet ta fshehë gënjimin.

Gënjeshtarët e shkathët flasin “në mënyrë metalike”
Gënjeshtarët jo të shkathët flasin me tone të rritura, zëri u tingëllon “i mprehtë”sepse nuk arrijnë ta mbulojnë ngazëllimin. Bëjnë pauza të shkurtra, përsërisin ose “gëlltisin” fjalë., transmeton Koha.net. Gënjeshtarët me përvojë, të cilët planifikojnë çdo gënjeshtër të vetën, tentojnë të kontrollojnë ngjyrën e zërit të vet duke mos e ditur që është pikërisht kjo që i tradhton sepse zëri u bëhet më i thellë se zakonisht dhe merr ton “metalik”.

Veta e tretë zbulon të pavërtetën
Rrenat i tradhtojnë edhe përemrat që përdoren. Ai që flet të vërtetën shpesh përdor përemrin “Unë”, ndërsa personi që gënjen të shumtën flet në vetën e parë njëjës – Ai, Ajo. Inspektorët e FBI-së të cilët hetojnë rastet e përdhunimeve në veçanti janë të ndjeshëm në përdorimin e përemrit “Ne” sepse viktima e vërtetë e përdhunimit për veten dhe sulmuesin nuk do të thotë kurrë “Ne” por “Unë” dhe “Ai”.

10 shenja të pagabueshme të rrenave:

• Djersitja e sforcuar, goditja me duar, nervozizmi, marrja e objekteve të ndryshme.
• Prekja e buzëve dhe pjesës rreth buzëve, të ashtuquajtura vende nga “del” gënjeshtra.
• Kthimi i shikimit në një anë gjatë shqiptimit të të pavërtetës.
• Syzet e errëta të cilat nuk hiqen gjatë bisedës.
• Përdorimi i shpeshtë i terminëve të pacaktuar.
• Përdorimi i shpeshtë i fjalëve “të gjithë ” ose “dikush”, përdorimi i përemrave “ne” në vend të “unë”, konstruktime pavetore të tipit “flitet se” dhe ngjashëm.
• Shumë detaje dhe informata të panevojshme që nuk kanë lidhje me temën.
• Përgjigje të gjata dhe indirekte ose përgjigje të shkurtra por përjashtuese.
• Pauza të shpeshta dhe fjali më të gjata.
• Toni i rritur.

© KOHA