Çfarë duhet të dini për bronkiektazinë

24 Tetor 2016 - 09:02      

Deri më tani mjekët nuk posedojnë kurë për bronkiektazinë.

Bronkiektazia është zgjerim i parregullt i bronkeve apo degëve të tyre që zakonisht sjell rrezik më të madh për të marrë infeksion.

Një gjë e tillë, lejon që bakteret dhe mukoza të mblidhen përgjatë kanaleve të frymëmarrjes, duke shkaktuar infeksione dhe probleme me frymëmarrje.

Bronkiektazia mund të shkaktohet nga faktorë të ndryshëm, më e zakonshmja është infeksioni i mushkërive, transmeton KP. Infeksionet bakteriale dhe virale mund të shkaktojnë që kanalet e frymëmarrjes të jenë të dëmtuara dhe të zgjeruara.

Shenjat dhe simptomat:

• Dhembje kraharori

• Frymëmarrje të penguar

• Zëra abnormal në mushkëri gjatë frymëmarrjes

• Kollitje afatgjate

• Kollitje me gjak dhe me sasi të mëdha të mukozës

• Paraqitje kaltëroshe të lëkurës

• Trashje të lëkurës nën thonj

• Erë e keqe e gojës

• Lodhje dhe dobësim

• Humbje të peshës