Lodhja e mbrëmjes, shenjë e tensionit të lartë

3 Tetor 2016 - 13:55      

Meshkujt të cilët në orët e mbrëmjes luftojnë të rrinë zgjuar ose koten para televizorit, duhet të kontrollojnë zemrën dhe enët e gjakut, meqë kjo është shenjë e presionit të lartë gjakut.

Një hulumtim i shkencëtarëve japonezë, i kryer në 2400 respondentë, ka dëshmuar se meshkujt që vuajnë nga hipertensioni shkojnë më herët në krevat sesa ata me vlera normale të shtypjes. Por, kur flenë, bëjnë gjumë më të parehatshëm.

Shumica e njerëzve nuk janë të vetëdijshëm për rrezikun nga hipertensioni, i cili shpesh është shkak i atakut në zemër ose në tru, demencionit, transmeton Koha.net. Organizata Botërore e Shëndetësisë vlerëson se hipertensioni është shkaktar i vdekjes së 7.5 milionë njerëzve në gjithë botën.

Përmes ilaçeve, duke ndryshuar ushqimin dhe mënyrën e jetesës presioni i gjakut mund të mbahet nën kontroll, pohojnë shkencëtarët. 

© KOHA. Të gjitha të drejtat janë të rezervuara.