Kadifeja e sezonit të ftohtë

2 Tetor 2016 - 23:07      

Trend i pasarelave të sezonit të sivjetmë vjeshtë/dimër është bërë edhe kadifeja (plishi). Disenjatorët po shpalosin kreacione të shumta me kadife.

Ky material po del të jetë nga më të popullarizuarit për këtë vit. Edhe fashionistët e bllogeret po e veshin kadifenë në mënyra e stile të reja në stilin e rrugës. Më e popullarizuara është kadifeja me vezullimë, shkruan sot Koha Ditore

Kadifeja është një ndër materialet më luksoze në treg. Gazetarja Caroline Gross ka thënë se ky material ka bërë bujën më të madhe në pasarelat e Londrës dhe të Milanos. Ky material, sipas saj, po i shton edhe më shumë “fluiditet” figurës femërore. Kadifenë në mënyrë liberale po e përdorin brende të modës si Luisa Beccaria, Emilio Pucci, Costume National dhe Antonio Marras. Kurse në Londër po e përdorin brendet si Christopher Kane, Topshop Unique, House of Holland dhe Mary Katrantzou.

Modeles Cara Delevingne po i pëlqejnë kreacionet e brendit Emilio Pucci. Ajo ka veshur një fustan/xhaketë nga ky brend me ngjyrë të kaltër të errët. Numër i madh i të famshmeve po e zgjedhin materialin e kadifesë për t’u veshur këtë sezon.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
 

© KOHA. Të gjitha të drejtat janë të rezervuara.