Në QKUK japin donacione që të përfitojnë tenderë

25 Nëntor 2015 - 12:52      

Vasil Lajo, pronar i kompanisë “Swissmed”, ia ka ofruar donacion dy aparatura Klinikës se Biokimisë në QKUK, e cila udhëhiqet nga ortaku i tij në biznes, Bislim Bislimi.

Të dy aparaturat, nga prodhues të tjerë, i posedon QKUK-ja, por këtë vit nuk kanë blerë reagensë për t’i funksionalizuar. Aparaturat kanë sistem të mbyllur të funksionimit që nënkupton se është i domosdoshëm materiali shpenzues (reagensët) i kompanisë prodhuese të tyre që të funksionojnë, shkruan sot “Koha Ditore”.

Kompania “Swissmed” kërkesën për donacion ia ka drejtuar drejtorit Curr Gjocaj. Në ofertën e donacionit kompania ka ofruar dy aparatura, atë të Imunulugjisë dhe aparaturën e Elektrolizës me Gazanalizë.

Çmimi i këtyre aparaturave sipas referencave në internet të kompanive që merren më aparatura diagnostikuese sillen nga 4 - 10 mijë për aparaturën e Imunologjisë, ndërsa për aparaturën e Gazanalizës çmimi sillet nga 16 - 32 mijë euro... (më gjerësisht lexoni sot në “Koha Ditore”)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.