Muslim e Visar Mulliqi ekspozojnë në Paris

2 Maj 2016 - 08:32      

Këto ditë në Espace 26, Denfert-Rochereau, Paris 14, La Maison d'Albanie hapi ekspozitën e piktorëve nga Kosova Muslim dhe Visar Mulliqi.

Në hapjen e ekspozitës morën pjesë dashamirës të artit dhe miq të kësaj qendre shqiptare të kulturës, e cila nga viti i kaluar është pjesëtare e FICEP ku përfshihen 56 anëtarë me të drejta të plota të saj. FICEP është Forumi i instituteve të kulturës të vendeve të huaja në Francë, e midis tyre Instituti Gëte i Gjermanisë, Instituti Shekspir i Anglisë, instituti Dante i Italisë, instituti Servantes i Spanjës, Maison de Japon, instituti Helen i Greqisë.

FICEP lajmëronte për hapjen e ekspozitës së dy artistëve shqiptar, Mulliqi, babë e bir, në faqet e saj të internetit, faqe e cila për aktivitetet e lajmëruara të instituteve dhe qendrave të kulturës që ndodhen në Francë mbështetet edhe nga Ministria e kulturës dhe komunikacionit dhe Bashkia e Parisit, është bërë e ditur përmes një komunikate, transmeton Koha.net.

Në hapje të kësaj ekspozite mori pjesë edhe Ambasadori i Republikës së Kosovës në Francë Muhamedin Kulashi, i cili edhe falënderoi piktorin Visar Mulliqi për arritjet e tij në fushën e artit dhe sidomos për atë mendim të shprehur nëpërmjet veprave të tij mbi lidhjet e natyrës e zhvillimit.

Gjithashtu ai vlerësoi edhe punimet e zgjedhura për këtë ekspozitë nga bashkëshortja e piktorit Muslim Mulliqi, Resmije Begolli Mulliqi dhe të paraqitura si pjesë e koleksionit të Akademikut e piktorit të shquar të Kosovës.

Ekspozita përbëhet nga dy seri me nga 6 punime në teknikën e vajit e të paraqitura nga secili autor, dhe një grup litografi të firmosura dhe të numëruara nga 1 deri në 30 në dimension 100cm x 75cm të realizuara në letrën Arches 300gr/m2.

Fjalën e hapjes dhe prezantimin e dy piktorëve të Kosovës në këtë mbrëmje para dashamirësve të pranishëm të artit e bëri piktori Zamir Mati.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...