Foto: AFP

Vuçiq: Fituam në UNESCO, dialogu me Kosovën të vazhdojë

9 Nëntor 2015 - 22:25      

Serbia është e lumtur për mos pranimin e Kosovës në UNESCO si një betejë e vështirë e fituar. Kryeministri i Serbisë, Aleksandar Vuçiq tha se Serbia nuk është përulur dhe është e rëndësishme që nuk ka humbur.

Ai theksoi se megjithatë me Kosovën duhet vazhduar dialogu.

“Një thënie e vjetër thotë se ‘mendjemadhësia është armiku më i madh i fitores’. Por, dua të them që ne nuk duam të shesim mend dhe se nuk do gjuajmë me gur kur ata na gjuajnë. Ne duam dialog dhe paqe në rajon”, deklaroi kryeministri Vuçiq.

Shefi i diplomacisë serbe me batutat e stripave të Alan Ford tha se “ai që do të fitojë nuk duhet të humbë”. Duke porositur Kosovën të mos ëndërrojë, Daçiq tha se ky ishte një test edhe për mundësinë e një ulëseje të Kosovës në Kombet e Bashkuara.

“Dua të falënderoj ata që treguan se nuk janë tamam miqtë tanë. I uroj të gjithë që luftuan në luftën tonë pasi ajo ishte çdo ditë dhe natë”, tha ministri i Jashtëm i Serbisë, Daçiq, transmeton tch.

Zyrtarët serbë thanë se është bërë një luftë e ashpër për ta pamundësuar anëtarësimin e Kosovës.

Daçiq madje ka akuzuar presidentin e AKR-së, Behgjet Pacollin, se ka blerë vota për Kosovën në UNESCO, ndërsa ky i fundit reagoi duke thënë se “jam kyçur vonë në lobim”.

Presidenti Tomislav Nikoliq tha se është “një fitore në kushte të pamundura dhe falënderoj qytetarët që besuan se do ta mbronim Kosovën”.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...