Shqiptarët e Luginës s’lëkunden, nesër bëjnë Asociacionin [video]

11 Shtator 2015 - 19:06      

Në mungesë të këshilltarëve shqiptarë nga Medvegja, 68 Këshilltarët Shqiptarë të Luginës së Preshevës, nesër në orën 11 pritet ta mbajnë seancën e Kuvendit, ku edhe pritet të miratohet krijimi i Asociacionit të Komunave Shqiptare të Luginës së Preshevës, raporton KTV.

Liderët shqiptarë të Luginës, janë të vendosur se duhet të ketë reciprocitet sa i përket krijimit të Asociacionit. Kryetari i Komunës së Preshevës, Ragmi Mustafa, ka deklaruar se kjo nismë ka ardhur pas nënshkrimit të marrëveshjes së dy qeverive në Bruksel për formimin e Asociacionit të Komunave Serbe.

Mustafa ka shtuar se Asociacioni i Komunave Shqiptare do të jetë i njëjtë me atë të Komunave serbe të Republikës së Kosovës, duke u bazuar gjithnjë në parimin e reciprocitetit.

Mbështetje Mustafës i ka dhënë edhe kryetar i i Bujanocit, Nagip Arifi. Për një vendim të tillë, liderët shqiptarë të Luginës së Preshevës, thonë se kanë mbështetje nga Kosova dhe Shqipëria.

Derisa nuk u bën përshtypje kërcënimi i Ministrit të Jashtëm të Serbisë, Ivica Daçiq, që liderët shqiptarë të mos marrin veprime që janë në kundërshtim me shtetin serb.

Për Asociacionin, që nuk e ka edhe përkrahjen e të gjithë opozitës, qytetarët hezitojnë të flasin. Ata thonë se është herët të flitet se çfarë mund të presin nga Asociacioni.

Ndërkaq, pas formimit të Asociacionit, Kuvendi do ta emërojë grupin punues për hartimin e Statutit të Asociacionit të Komunave të banuara me shqiptarë në Luginë të Preshevës, raporton KTV. Ky Asociacion do të jetë funksional gjer në jetësimin e referendumit të 1 dhe 2 Marsit të vitit 1992.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...