Thaçi nuk përjashton marrëveshjen me LDK-në

4 Nëntor 2014 - 11:13      

Kryetari i Partisë Demokratike të Kosovës, Hashim Thaçi, nuk e ka përjashtuar mundësinë e krijimit të një koalicioni mes partisë së tij dhe LDK-së, raporton “Koha Ditore”.

Kryeministri ka dhënë një përgjigje për gazetarët edhe sa i përket mundësisë së përfolur në media për një koalicion mes PDK-së dhe LDK-së, ku Isa Mustafa, do të bëhej kryeministër, ndërsa ai do të zinte postin e presidentit, pas mbarimit të mandatit të presidentes Jahjaga.

“Ritheksoj se PDK-ja insiston dhe është e nevojshme, është edhe në kulturën tonë tradicionale, si qytetarë, por edhe në kulturën politike, diskutimi, hapja e gjërave për tu negociuar, përderisa askush nuk do të mund të realizojë 100 për qindëshin e asaj që aspiron, transmeton Koha.net.

Thaçi, pas konferencës rajonale “Siguria Kufitare”, të organizuar të martën nga Dogana dhe Policia e Kosovës, ka thënë se e vetmja mënyrë për të dal nga situata e krijuar politike është komunikimi dhe diskutimi i çështjeve nga liderët e partive parlamentare, në kuadër të angazhimeve të presidentes Atifete Jahjaga, raporton “Koha Ditore”.

Sipas Thaçit të gjithë liderët politikë duhet të lënë anash interesat personale dhe partiake. “Është koha të lëvizim përpara, të ndërtojmë institucione stabile, institucione që do të punojnë në agjendën jashtëzakonisht të rëndësishme zhvillimore dhe integruese të shtetit të Kosovës”, është shprehur Thaçi.

“Por, ne duhet t’i japim frymë, forcë dhe energji arritjes së marrëveshjes. Vetëm me marrëveshje tejkalohet ngërçi i krijuar”, ka thënë kryeministri.

© KOHA.net


 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...